Agjencia Hapësinore Amerikane është duke vëzhguar me kujdes një anomali në fushën magnetike të Tokës që mund të jetë me pasoja fatale për teknologjinë e satelitëve në orbitë. NASA thotë se në një brez të gjerë nga Amerika Latine deri në Afrikën Perëndimore ka regjistruar një fushë magnetike me intensitet më të dobët se normalja. Fenomeni në vetvete nuk është i pazakontë, por kur është hasur në rajonet e tjera të globit, thotë NASA, përmasat kanë qenë më të vogla dhe fusha magnetike është vetëkorrigjuar shumë shpejt.