Urdhri i Donald Trump për pezullimin e fondeve të mbështetjes për organizatat dhe shtetet partnere të Shteteve të Bashkuara të Amerikës ka prekur edhe Shqipërinë. Kjo shkrese I është dorëzuar institucioneve shqiptare, nga ana e ambasadës amerikane në Trianë që njofton pezullimin e mbështetjes financiare sipas vendimit të presidentit Trump. “Ky dokument shërben si njoftim zyrtar për Qeverinë e Republikës së Shqipërisë. Ambasada e Shteteve të Bashkuara të Amerikës kërkon me mirësjellje që ky njoftim të ndahet me të gjitha ministritë, institucionet dhe entet e tjera qeveritare përkatëse që bashkëpunojnë përmes programeve ekzistuese të ndihmës së huaj të SHBA-së, duke përfshirë”, thuhet në shkresën dorëzuar ministrisë së punëve të jashtme, ku ambasada I kërkon që të njoftojë të gjitha ministritë e linjës përfshirë dhe ato të sistemit gjyqësor për pezullimin e zbatimit të projekteve në vazhdim dhe pezullimin e disbursimit të fondeve për projekte të reja deri në përfundim të rishikimit të të gjitha programeve të ndihmës së huaj.