Është identifikuar autori i plagosjes së 40-vjeçarit në Shkodër Aleksandër Curajt. Policia është vënë në kërkim të Dedë Bicit, i cili dyshohet se e ka qëlluar për shkak të një borxhi që i kishte i plagosuri. Autori e qëlloi ndërsa po lëvizte me një biçikletë, dhe është identifikuar përmes kamerave që ndodheshin në zonë. Plagosja ndodhi në mëngjesin e kësaj të hëne rretho orës 09:00. 40-vjeçari u qëllua 4 herë nga një person ende i paidentifikuar, në zonën e njohur si 'Dollari', në qendër të Shkodrës. Në lidhje me plagosjen ka folur edhe një dëshmitare okuloare, e cila tha se i plagosuri u përpoq të ikë me vrap, por pas të shtënave ra në tokë dhe i ka dhënë edhe ndihmën e parë. Ajo tha se i plagosuri ka qëndruar i shtrirë në tokë rreth 10 minuta, ndërsa kishte thirrur edhe ndihmë. Për kapjen e autorit janë ngritur shumë pika kontrolli, ndërsa Forcat e Sigurisë Kombëtare po vijojnë krehjen e zonës, pasi dyshohet se autori është larguar në brendësi të lagjeve të qytetit.