Zbardhet vrasja e ndërtuesit Eduart Reçi në Tiranë. Ngjarje kjo e ndodhur më 13 nëntor të këtij viti në rrugën “Faik Konica”. Në pranga kanë përfunduar dy autorët e dyshuar, njëri prej të cilëve oficer policie tek komisariati numër 2. Shkëlqim dhe Florian Duka, 48 dhe 45 vjeç, vëllezër, u arrestuan nën akuzën e veprave penale "Vrasja me paramendim" e kryer ne bashkëpunim dhe "Mbajtja pa leje dhe prodhimi i armëve, dhe i municionit". Nga hetimet e kryera rezulton se viktima po angazhohej për të ndërtuar një pallat, ndërtimi i të cilit kërkonte bashkëpunim dhe dakortësim edhe me persona të tjerë që kishin tokat pranë zonës ku do ngrihej objekti. Por ai ishte në konflikt me oficerin e policisë Shkëlqim Dukën dhe vëllain e tij Florianin, të cilët dyshohet se më pas kryehen dhe ekzekutimin.