Policia identifikoi dhe shpalli në kërkim tre personat që qëlluan me armë drejt një automjeti mbrëmjen e të shtunës në Kamëz. Dejvi Mullai 24-vjeç, Fabion Kurti, I po të njëjtës moshë dhe Enedjon Kaci, 30-vjeç, dyshohet se janë autorë të kësaj ngjarjeje të ndodhur pranë Rrethit të Bathores, në rrugën “New York”. Enedjon Kaçi, dyshohet se ishte shënjestër e të shtënave, ndërsa dy të kërkuarit e tjerë, Fabion Kurti e Dejvi Mullai, ata që hapën. Dy autorët lëviznin me një makinë së bashku, ndërsa shënjestra dhe persona të tjerë që ende nuk janë identifikuar, ishin në një mjet tjetër, Gjatë kontrollit të zonës policia gjeti të braktisura dy makina, të cilat dyshohet se janë përdorur nga autorët për tu larguar nga vendi i ngjarjes. Po nga veprimet e para hetimore rezulton se autorët e dyshuar të ngjarjes dyshohet se janë larguar me një automjet tjetër i cili është identifikuar nga ana jonë dhe vijon puna për gjetjen e kësaj makine si dhe për lokalizimin dhe kapjen e tre të shpallurve në kërkim. Paraprakisht dyshohet se shkak të jetë bërë një konflikt mes tyre.