Pas operacionit antidrogë ku u shkatërruan 23 banda të drogës në qytete të ndryshme të vendit kanë dalë detaje të reja nga hetimet të cilat çuan në arrestimin e 233 personave. Këtë të shtunë janë zbardhur hetime nga dosja e megaoperacionit “Tempulli” të cilat sollën ekzekutimin e suksesshëm për kapjen e trafikuesve. Gjithçka është zbuluar pas futjes në aksion të një agjenti të infiltruar i cili ka futur në kurth shpërndarësit e drogës duke u kërkuar t’u blinte drogë. Agjenti me emrin e koduar “Koli” më datë 07. shtator rreth ores 19.50 është nisur për në vendin e quajtur “Ura e Bushtricës” në Qukës të Librazhdit dhe ka kontaktuar me trafikantin e arrestuar Stiven Faqollin. Koli ka marrë Faqollin në lokalin e tij me makinë dhe më pas janë nisur në drejtim të Librazhdit ku janë takuar me dy persona të tjerë që do të shisnin drogën. Në vendin e quajtur “Ura e Bushtricës” në Librazhd, agjenti bashkë Stiven Faqollin kanë takuar dy persona në makinë, njëri prej tyre Glidi Ballolli që është në burg dhe Mikel Poçi. Agjenti ka blerë një sasi kanabisi tek Badolli dhe më pas është larguar. Gjatw bisedws Badolli i ka siguruar agjentit qw malli wshtw i mirw. Rezulton se Stiven Faqolli, Gildi Ballolli dhe Mikel Poçi janë drejtpërdrejtë të përfshirë në veprimtarinë kriminale të shitjes së lëndëve narkotike.