Presidenti i Republikës, Ilir Meta ka pritur në një takim në Presidencë, Ministrin e Jashtëm grek, Nikos Dendias, pasdites e se martes. Presidenti Meta ka bere te ditur se ne takim ai ka shprehur mirënjohje për solidaritetin dhe mbështetjen e Greqisë në rastin e tërmetit të 26 nëntorit 2019, si dhe për bashkëpunimin në lidhje me situatën e krijuar nga pandemia COVID-19. Po ashtu Kreu i Shtetit ka vlerësuar se pakica greke në Shqipëri është një urë e fortë për miqësinë e gjatë dhe së bashku me shqiptarët që jetojnë në Greqi përbëjnë themelet e marrëdhënieve tona të shëndosha dhe afatgjata. Ndersa ne lidhje me çështjen e delimitimit të hapësirës detare ndërmjet dy vendeve, Presidenti i Republikës ne takimin me ministrin e jashtem grek ka inkurajuar se ajo do të trajtohet përmes një dialogu të sinqertë dhe respekti reciprok, duke synuar një zgjidhje të përhershme dhe të qëndrueshme, behet e ditur nga zyra e presidences. “Marrëveshja për këtë çështje të rëndësishme duhet të jetë në përputhje me Konventën e Kombeve të Bashkuara mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Republikës së Shqipërisë”, – ka theksuar Presidenti Meta.