Maqedonia e Veriut vijon te goditet nga publikimet e pergjimeve ku implikohen emra te politikes sidmos tani, kur vendi pritet te shkoje drejt zgjedhjeve te parakoshme. Në kanalin e “brane kapital” në YouTube është publikuar biseda e ish-kryeministrit Zoran Zaev me Aleksandar Verushevski, bisedë që i përket vitit 2016. Në bisedën e publikuar, Zaev dëgjohet të thotë se ka kapital personal prej 8.5 milionë eurosh. Kjo bisedë është 2 orë, por deri tani janë publikuar vetëm disa pjesë të saj. Zaev dëgjohet gjithashtu të thotë se nuk ka nevojë për përkrahjen e ish-kryetarit të LSDM-së Branko Cërvenkovski, dhe se ai he njerëzit e tij tashmë nuk kanë asnjë ndikim. Vetëm para disa ditësh, Zaevit i doli nje bisede eshte me kryetarin e VMRO/DPMNE, Mickoski, teksa ky i fundit dëgjohet të thotë se ka marrë para nga biznesmenë të njohur dhe se ka punuar për rrënimin e Prokurorisë Speciale Publike. Publikimi i bisedave të përgjuara në Maqedoninë e Veriut ka nisur prej vitesh, ku në vitin 2015, Zoran Zaev, asokohe në opozitë, publikoi përgjimet e kryeministrit të atëhershëm Nikola Gruevski dhe bashkëpunëtorëve të tij. Këto përgjime shkaktuar krizë në politikë, teksa u desh krijimi i Prokurorisë Speciale për hetimet e përgjimeve.