Ambasadorja amerikane Yuri Kim ka reaguar pas arrestimeve të zyrtarëve të Ministrisë së Brendshme me urdhër të SPAK, që akuzohen se kanë shkelur barazinë në tenderin e uniformave të policisë së shtetit. Përmes një postimi në Tëitter Kim ka përshëndetur edhe këtë zhvillim të fundit në luftën kundër korruosionit të ndërmarrë nga SPAK. “Mirë që shohim më shumë veprime të SPAK kundër korrupsionit. Abuzimi ose manipulimi i proceseve të prokurimit publik është njësoj si të vjedhësh të gjithë qytetarët (përfshirë edhe qytetarët e Sh.B.A. taksat e të cilëve sigurojnë ndihmën e SHBA për Shqipërinë për të “fryrë’ kuletat e vetes ose të “miqve”. Është një krim”, thuhet në postimin e Yuri Kim. Diplomatja amerikane ka qenë një së i fortë në mbështetjen dhe nxitjen e SPAK për të vënë para përgjegjësisë ligjore dhe nën hetim të gjithë zyrtarë apo ish zyrtarë në të gjitha nivelet e qeverisjes, apo edhe në nivele të tjera. Në të gjitha apelket dhe qëndrimet e saj ambasadorja Yuri Kim ka deklaruar se duhet t’i jepet fund pandëshkueshmërisë dhe abuzuesit dhe shkelësit e ligjit duhet të vihen prapa hekurave.