Diplomatja Yuri Kim do të dorëzojë mandatin si ambasadore e Shteteve të Bashkuara të Amerikës në Tiranë, për të marrë një tjetër pozicion të rëndësishëm në Departamentin Amerikan të Shtetit. Burimet konfirojnë se Yuri Kim do të emërohet zëvendësndihmëse sekretare kryesore për çështjet europiane në Departamentin e Shtetit. Ndërkohë përkohësisht do të ushtrojë edhe detyrën e ndihmës sekretarit deri në momentin kur të konfirmohet Jim O’Brien. Ky i fundit është i ngarkuar me sanksionet ndaj individëve që cënojnë politikat e sigurisë kombëtare amerikane kudo në botë. Pritet që diplomatja Yuri Kim të ushtrojë zyrtarisht detyrën duke filluar nga data 10 Korrik. Presidenti amerikan, Joe Biden emëroi David Kostelancik, për të shërbyer si ambasador i SHBA-ve në Tiranë, pas përfundimit të mandatit të diplomates Yuri Kim. Aktualisht Kostelanick mban pozicionin e drejtorit në Zyrën për Europën Qendrore dhe Jugore në Departamentin Amerikan të Shtetit.