Ish-ministri i Sporteve dhe Kultures, Ylli Pango deshmoi këtë të hënë në seancën e radhës së gjyqit për privatizimn e ish-kompleksit “Partizani” që ka ngarkuar me akuza 8 të pandehur. Në dosjen që po shqyrtohet ne themel nga GJKKO, roli i ish-ministrit Pango lidhet me ndryshimet ligjore të vitit 2008 për “Ligjin për Sportin”, të cilat i hapën rrugë privatizimit dhe ndryshimit të destinacionit të pronave të klubit. *Stand UP*-Në dëshminë që zgjati rreth një orë, i pyetur nga SPAK, Pango përsëriti vazhdimisht se nuk mban mend me detaje zhvillimet e 18 viteve më parë, dhe sipas tij kujtesa i është rifreskiar vetëm nga dokumentet e lexuara nëpër media. Ish ministri Pango tha se kur mbante detyrën në periudhën 2007-2009, ishta pro dhënies me komcesion, pasi vetëm kështu mund të zhvillohej sporti, por sipas tij, kundër ndryshimit të destinacionit. koncesioni nuk e përjashtonte privatizimin sipas tij. Në gjithë botën, klubet sportive nëse gjen koncesionar ke ndihmuar në zhvillimin e sporteve. Koncesioni zhvillon sportin, por nuk e përjashton privatizimin. Iniciativa ishte qeveritare, jo e imja si ministër Kulture. Ne kemi punuar për privatizimin, në bazë të një vizioni që ishte prioritar për qeverinë.