Leonardo DiCaprio, Timothee Chalamet dhe emra të tjerë të mëdhenj të hollivudit do të garojnë për çmime në Golden Globes, një nga konkurset kryesore të filmit që i paraprin Oskarëve. Filmi i DiCaprio-s, "One Battle After Another", kryeson në ceremoninë që mbahet në Beverly Hills, të Kalifornisë. Komedia e zezë tregon historinë e një revolucionari të dështuar i cili hidhet në veprim kur jeta e vajzës së tij është në rrezik. Aktorët e tjerë në film Benicio del Toro, Sean Penn, Chase Infiniti dhe Teyana Taylor janë nominuar po ashtu së bashku me DiCaprio-n. Ndërkohë do të ketë cmime edhe për shfaqje televizive, dhe do të shpërndahet për herë të parë një trofe për podcastet. Komediania Nikki Glaser kthehet si prezantuese e ceremonisë për herë të dytë. Ajo tha se personazhet e famshëm të Hollivudit nuk kanë pse të kenë frikë nga monologu i saj. Prezantuesit e mëparshëm të Golden Globes kanë bërë shaka therëse me shumë nga yjet e pranishëm. "Ata nuk duhet të shqetësohen sepse unë e kam përgatitur prezantimin tim në mënyrë që të mos i prish natën askujt", tha ajo. "Nuk mendoj se do të më duhet të shmang askënd në festën pas ceremonisë". "One Battle", nga Ëarner Bros, do të konkurrojë në kategorinë e filmit më të mirë muzikal ose komedi kundër "Marty Supreme" me protagonist Chalamet dhe komedisë së zezë "Bugonia". Gara për dramën më të mirë përfshin "Jay Kelly", me protagonist George Clooney si një aktor që përballet me trashëgiminë e tij dhe Adam Sandler si menaxherin e tij të përkushtuar. Drama të tjera të nominuara përfshijnë interpretimin e Guillermo del Toro të "Frankenstein", filmin horror mbinatyror "Sinners" dhe "Hamnet", një histori për familjen e Ëilliam Shakespeare. Ndër të nominuarit e tjerë në kategorinë e aktorëve janë Timothy Chalamet, Dëayne Johnson, Michael B. Jordan, Jessie Buckley dhe Ariana Grande dhe Cynthia Erivo. Çmimet "Globe" janë ndër të parat nga çmimet e Hollivudit për vitin 2026 që ndahen para çmimeve kryesore të industrisë së filmit, Oskarëve, në mars. Votuesit e Çmimeve "Globe" nuk kanë të drejtë fjale në Çmimet "Oscar", por një fitore në "Globe" mund të ndihmojë në tërheqjen e vëmendjes tek pretendentët potencialë.