Presidenti kinez Xi Jinping do të vizitojë Francën, Serbinë dhe Hungarinë nga datat 5 deri më 10 maj, udhëtimi i tij i parë në Evropë në pesë vjet që synon të forcojë lidhjet me BE-në ndërsa tensionet rriten me ekonominë e dytë më të madhe në botë. Marrëdhëniet dypalëshe me Francën kanë ruajtur një vrull pozitiv rritjeje dhe të dyja vendet kanë pasur komunikime strategjike dhe bashkëpunim praktik, tha zëdhënësi i ministrisë së jashtme kineze Lin Jian ndërsa po fliste për vizitën e Xi Jinping në Francë. "Është koha për të shtyrë përpara partneritetin gjithëpërfshirës strategjik midis Kinës dhe Francës në një nivel të ri dhe për t'i dhënë një shtysë të re zhvillimit të shëndetshëm të marrëdhënieve Kinë-BE, për të dhënë kontribute të reja për paqen, stabilitetin, zhvillimin dhe përparimin botëror," tha zëdhënësi në një konferencë për shtyp. “Kina pret të punojë me Francën për të rritur më tej besimin reciprok politik, solidaritetin dhe bashkëpunimin." Gjatë udhëtimit të tij, Xi Jinping do të pritet po ashtu edhe nga presidenti serb Aleksandar Vuçiç, në beograd, dhe pritet që të dy ata të shkëmbejnë mendime mbi marrëdhëniet dypalëshe dhe të diskutojnë për përmirësimin e marrëdhënieve mes tyre.