Presidenti kinez Xi Jinping u zotua të mërkurën të forcojë dhe modernizojë ushtrinë dhe të zhdukë korrupsionin brenda Partisë Komuniste në pushtet. Xi nënvizoi rëndësinë e një "ushtrie të fortë" në një fjalim para udhëheqësve politikë dhe ushtarakë, si dhe anëtarëve të Partisë Komuniste Kineze të mbledhur në Sallën e Madhe të Popullit për 105-vjetorin e themelimit të partisë. Analistët kanë vënë në pikëpyetje aftësinë e forcave të armatosura të Kinës për të luftuar në mënyrë efektive që kur fushata gjithëpërfshirëse anti-korrupsion e Xi Jinping shkatërroi radhët e larta të ushtrisë. Përpjekja shumëvjeçare e Xi Jinping për të zhdukur korrupsionin ka rrëzuar dy ministra mbrojtjeje në tre vitet e fundit dhe ka reduktuar Komisionin Qendror Ushtarak, që është edhe organi më i lartë ushtarak në vend, dikur me shtatë anëtarë, në vetëm dy anëtar, vetë ai dhe një gjeneral tjetër.