Presidenti kinez Xi Jinping dhe homologu i tij rus Vladimir Putin kanë zhvilluar bisedime joformale duke pirë çaj në Pekin, një ditë përpara paradës ushtarake. Presidenti kinez Xi Jinping përshëndeti "miqësinë e qëndrueshme të fqinjësisë së mirë" midis Kinës dhe Rusisë gjatë bisedimeve me Putin. Presidenti rus gjatë qëndrimit disaditor në Kinë, ka hedhur poshtë pretendimet se Moska po planifikonte të sulmonte Evropën nëse ajo do të kishte sukses kundër Ukrainës. Putin shtoi se pretendimet për qëllimin e Rusisë për të sulmuar vendet e tjera evropiane ishin "një provokim ose paaftësi". Ai pohoi se Moska nuk e kishte kundërshtuar kurrë anëtarësimin e Ukrainës në BE, por tha se anëtarësimi i Ukrainës në NATO ishte "i papranueshëm". Udhëheqësi rus tha se kjo ishte diçka që e diskutoi në takimin e tij me Donald Trump në Alaska. Frika evropiane nga agresioni rus rrjedh, pasi pjesë të Evropës Lindore që ishin në Bashkimin Sovjetik në thelb i përkasin Rusisë.