Presidenti i Kinës Xi Jinping dhe Presidenti rus Vladimir Putin përshëndetën lidhjet mes tyre gjatë një videokonference të mërkurën, të mbajtur në prag të përvjetorit të katërt të luftës së Moskës në Ukrainë. Putin tha se marrëdhëniet Moskë-Pekin ishin një faktor i rëndësishëm stabilizues në një kohë të trazirave globale në rritje. Xi Jinping, duke folur përmes një përkthyesi, u bëri thirrje të dy vendeve të hartojnë një "plan të madh" për të çuar përpara marrëdhëniet dypalëshe, të cilat ai tha se po përparonin në drejtimin e duhur. Ndërsa presidenti rus putin tha se “kur bëhet fjalë për marrëdhëniet ruso-kineze, mund të thuhet se çdo stinë është pranverë". "Mes turbulencave në rritje, aleanca mes Moskës dhe Pekinit mbetet një faktor i rëndësishëm stabilizues", i tha Putin Xi Jinpingut në videon e transmetuar live në televizionin shtetëror rus. "Partneriteti gjithëpërfshirës dhe bashkëpunimi strategjik ruso-kinez është shembullor", tha Putin, duke iu drejtuar homologut kinez si "mik i dashur".