Raportimet financiare të partive politike në zgjedhje marrin një rëndësi të veçantë pas akuzave për para ruse në Partinë Demokratike dhe gjobave që KQZ vendosi ndaj subjekeve politike për pasaktësi në bilancet financiare të zgjedhjeve të 25 prillit. Në mbledhjen e kësaj të premte, Komisioneri Shetëror i Zgjedhjeve përcaktoi rregullat për raportimin financiar të partive politike, miratoi formatet e standardizuara të partive politike gjatë vitit kalendarik, kontrollin, verifikimin e financimeve dhe shpenzimeve të tyre, si edhe mënyrën e pagesës së auditëve. Formatet e standardizuara do të përdoren për raportimin vjetor të vitit 2023.