Në një postim të bërë në rrjetet sociale, Xheneta Fetahu ka shprehur ngushëllimet e saj për Besart Kelmendin, i njohur si Gjesti, pas humbjes tragjike të vëllait të tij në aksidentin që ndodhi në fshatin Qungur të Pejës. “Ngushëllime të sinqerta për Gjestin dhe familjen e tij. Zoti ju dhëntë forcë e durim në këtë kohë të rëndë, ndërsa shpirti i tij u pushoftë në paqe e dritë të përjetshme. Kujtimi i tij i mirë do të mbetet përgjithmonë në zemrat tuaja,” shkroi ajo. Po ashtu, mesazhe e komente të shumta ngushëllimi janë postuar edhe në adresat zyrtare të artistit. Vëllai I Gjestit ishte duke lëvizur me një motor bashkë me një shokun e tij. Sipas njoftimit të policisë ata humbën kontrollin he u përplasën me një makinë. Nga goditja e fortë, vëllai I këngëtarit humbi jetën në vend ndërsa shoku I tij mbeti I plagosur rëndë.