Miliarderi Elon Musk, pronar i Teslas, SpaceX dhe X, ka qëndruar vazhdimisht në kontakt me presidentin rus vladimir putin, që nga fundi i 2022. Sipas të përditshmes Ëall Street Journal, që citon funksionarë të ndryshëm amerikanë, evropianë e rusë, bisedat mes sipërmarrësit dhe presidentit rus kanë qenë personale, për biznes por ata edhe kanë folur për tensionet gjeopolitike. Në një rast, thonë burimet, putin i ka kërkuar miliarderit të mos aktivizojë shërbimin e internetit satelitor Starlink, në Tajvan, duke e prezantuar kërkesën si një favor për presidentin kinez Xi Jinping. Në të shkuarën, musk është akuzuar se është një mbështetës i Putinit, një akuzë që ai e ka quajtur absurde. Ai ka thënë se ka bërë më shumë për të dëmtuar interesat e rusisë se kushdo tjetër. Lajmi për bisedat mes Musk dhe Putin, ka shkaktuar shqetësim sipas gazetës në kuadër të sigurisë kombëtare ndërkohë që sipërmarrësi është deklaruar këtë vit edhe si mbështetës i Donald Trump për president. Musk ka ndërkohë edhe lidhje biznesi me forcat e armatosura dhe shërbimet amerikane të inteligjencës, që i kanë ofruar edhe një status të privilegjuara për disa prej programeve më sensitive aerohapësinore të SHBA-së. Në 2021, spaceX mori një kontratë të klasifikuar në vlerën 1.8 miliardë dollarë, duke u bërë furnizuesi kryesor i shërbimeve të udhëtimeve hapësinore për pentagonin dhe Nasan. Musk disponon edhe autorizime sigurie që e lejojnë të ketë akses në disa informacione të rezervuara.