Grupi rus i mercenarëve, Vagner, duket se ka hequr dorë nga planet për tu tërhequr nga Bakhmuti, në Ukrainën lindore, duke thënë se atij i janë premtuar më shumë armë nga Moska e duke sugjeruar se ata mund të vazhdojnë të kryesojnë sulmin e tyre mbi atë që Rusia e konsideron si portë hyrëse drejt qyteteve të tjera në rajonin e Donbasit. Gjenerali ukrainas në krye të mbrojtjes së qytetit të rrethuar, tha të dielën vonë se Rusia ka intensifikuar bombardimet, duke shpresuar të marrë Bakhmutin deri të martën, por ai premtoi se do të bëjë gjithcka që mundet për ta penguar një gjë të tillë. 9 maji, është dita e fitores në rusi dhe shënon përvjetorin e mundjes së gjermanisë naziste në luftën e dytë botërore. Shefi i Vagner, Jevgeni Prigozhin, kishte deklaruar të premten se luftëtarët e tij, që kanë kryesuar sulmin që zgjat prej muajsh në Bakhmut, do të tërhiqej pasi ishte lënë pa municione dhe po pësonte humbje të kota dhe të pajustifikuara si rezultat i kësaj. Por në një audio mesazh të postuar në kanalin e tij në telegram të dielën, ai tha: Ne na janë premtuar më shumë municione dhe armë pasi duhet të vazhdojmë operacionet edhe më tej. Na është premtuar gjithcka për të cilën ne kemi nevojë për të penguar armikun që të na presë rrugët e furnizimit”. Ndërkohë mediat ukrainase dhe ruse kanë raportuar shpërthime në krimenë e aneksuar nga rusia ndërsa një shpërthim është regjistruar gjatë natës edhe në qytetin në detin e zi të Odesës. Ministria ruse e mbrojtjes tha se mbrojtja e saj ajrore kishte pikasur dhe shkatërruar 22 dronë Ukrainas mbi detin e zi, gjatë natës.