Shefi i grupit rus të mercenarëve, Vagner, thotë se ai ka ngritur një flamur rus mbi ndërtesën e bashkisë së Bakhmutit në Ukrainë. Në një video të filmuar natën, Jevgeni Prigozhin thotë se Bakhmuti tani është rus, në kuptimin ligjor. Sidoqoftë, ai pranoi se forcat ukrainase janë ende të përqendruara në zonat perëndimore të qytetit. Nga ana e saj, Ukraina ka insistuar se ushtria e saj vazhdon të mbajë bakhmutin, qytetin lindor të cilin rusia ka muaj që e ka vendosur në fokus të përpjekjeve të saj. Shtabi i përgjithshëm i forcave të armatosura të ukrainës tha se ndërsa rusia nuk ka ndalur sulmet mbi qytet, mbrojtësit ukrainas po e mbajnë me kurajo qytetin dhe po zbrapsin shumë sulme armike. Shefi i stafit të presidentit Volodimir zelenski, Andriy Yermak, i ka kërkuar njerëzve të reagojnë me qetësi ndaj lajmeve të rreme të atyre që duan të shpikin një fitore që në të vërtetë nuk ekziston.