Polonia ka arrestuar dy qytetarë rusë të cilët “po shpërndanin materiale propaganduese të grupit rus Ëagner” në Varshavë dhe Krakovë, dy qytetet më të mëdha polake, ka thënë të hënën ministri i Brendshëm i Polonisë, Mariusz Kaminski. “Të dy akuzohen për spiunazh dhe u arrestuan”, tha ministri polak Kaminski më 14 gusht në X, ish-Tëitter, pa dhënë ndonjë hollësi shtesë për arrestimin e tyre. Polonia ka paralajmëruar së fundmi për promovime të mundshme nga grupi mercenar, i cili ndodhet në Bjellorusinë fqinje tani, dhe se do ta rrisë praninë e trupave në kufi me Bjellorusinë në 10 mijë sosh. Mediat polake raportuan javën e kaluar për një prani të ngjitësve me logon e Ëagner-it dhe me mbishkrimin në gjuhën angleze: “Ne jemi këtu – bashkohuni me ne”, si dhe kode QR që të drejtojnë te një uebsajt rus për grupin mercenar. Sipas të përditshmes Gazeta Ëyborcza, ngjitësit u raportuan në polici nga banorët në Karkovë dhe Varshavë. Ministria e Brendshme e Polonisë nuk specifikoi nëse dy burrat rusë u arrestuan në lidhje me shpërndarjen e ngjitësve. Mijëra mercenarë të Ëagner-it kanë mbërritur në Bjellorusi që nga rebelimi jetëshkurtër i këtij grupi në qershor.