Frikësimi i Polonisë duket se ishte qëllimi i presidentit bjellorus Aleksander Lukashenko dhe presidentit rus Vladimir Putin në një takim mes tyre në Shën Pjetërburg. Lukashenko shpjegoi atje se mercenarët e grupit rus Ëagner të vendosur në vendin e tij "donin të bëjnë një shetitje deri në Varshavë dhe Rzeshov”. Politikanët polakë dhe media polake reaguan menjëherë. Edhe kryeministri polak Mateusz Moraviecki tha se kishte informacione se më shumë se njëqind mercenarë të grupit Ëagner janë nisur në drejtim të luginës Suvalki, domethënë në pjesën e kufirit midis Lituanisë dhe Polonisë, që shtrihet nga enklava ruse e Kaliningradit në Bjellorusi. Ndërkohë në internet po qarkullojnë informacione se mercenarët e Ëagnerit tashmë po hyjnë në Poloni pothuajse pa u vënë re. Transmetuesi polak, Polsat Neës ka raportuar për këtë. Por, ndërs lajmi po qarkullon shumë në rrjetet sociale, nuk ka prova konkrete se një gjë e tillë ka ndodhur. GJatë një vizite në një fabrikë armësh në poloni, kryeministri i vendit vëri po ashtu dy supozime për mercenarët e Vagnerit. Ai tha se ata do të përpiqen të pushtojnë edhe poloninë duke u paraqitur si emigrantë të paligjshëm por mund edhe të maskohen si roja kufiotare ruse dhe të ndihmojnë emigrantët të hyjnë në territor polak për të destabilizuar vendin.