Situata e rënduar në Moskë ka shtyrë kryebashkiakun Sergei Sobyanin të shpallë të hënën ditë pushimi. Ai u kërkoi qytetarëve të kufizojnë lëvizjen e tyre nëpër qytet, pasi Moskla po përgatitet me pasojat e mundshme të rebelimit të Wagnerit. "Situata është e vështirë," tha kryebashkiaku i Moskës në deklaratën e tij të postuar në Telegram. Ai shtoi se ka mundësi që disa rrugë apo lagje në qytet të mbyllen për qarkullim. Më herët, autoritetet ruse njoftuan një operacion kundër-terrorist në qytetin e Moskës, rajonin e Moskës dhe rajonin e Voronezh në jug. Ngjarjet po zhvillohen me një ritëm dramatik në Rusi, ndërsa shërbimet e qytetit janë vënë në gatishmëri të lartë. Ushtria e Ëagner po shkon drejt Moskës, ndërsa deri më tani sipas mediave ndërkomëbtare, ndodhen rreth 400 km larg. Guvernatori i rajonit të Lipetsk, në jug të Moskës, konfirmoi se Ëagner po kalonte rajonin, duke postuar një video që tregonte një autokolonë që shkonte drejt veriut. Një video e postuar në Telegram tregonte kamionë duke bllokuar një urë 97 km rreth 60 milje nga periferia e Moskës.