Lëvizja Vetëvendosje ka mohuar se po mbështet si subjekt politik protestat që po mbahen në Shqipëri dhe që kanë hyrë në javën e katërt të tyre, por pranon se individualisht simpatizantë të saj janë angazhuar në këtë protestë. Kështu ka deklaruar për KosovaPress anëtari i Këshillit të Përgjithshëm i Vetëvendosjes, Enver Dugolli, duke konfirmuar se personalisht është njëri nga ata që po e mbështet protestën. “Vetëvendosje nuk ka të bëjë asgjë me këtë protestë, thjesht ne, disa aktivistë apo disa njerëz, eksponentë, solidarizohemi me kërkesat e drejta të qytetarëve, shqetësimet e tyre të drejta dhe me kaq mbaron, pra nuk bëhet fjalë që Vetëvendosja nga Kosova apo nga cilado pjesë që ka ndonjë rol të veçantë në këtë protestë”, tha Dugolli.