Ai vuri bast në një duzinë fjalimesh të Donald Trump, duke fituar mbi 100,000 dollarë. Jo sepse kishte ndonjë aftësi të mbinatyrshme, por thjesht sepse i lexonte paraprakisht fjalimet. Gabriel Perez, operatori i teleprompterit nga i cili manjati lexon fjalët që do të thotë gjatë paraqitjeve të tij publike, është në telashe. Sipas hetuesve federalë, Perez dyshohet se e ka mbushur në mënyrë të paligjshme portofolin e tij duke vënë bast në tregun e ri të parashikimeve Kalshi, shumë të ngjashëm me Polymarket. Shtëpia e Bardhë ka njoftuar tashmë se e ka pezulluar atë nga puna. Raste të ngjashme, ka patur edhe më parë në administratën trump apo në ushtrinë amerikane, ku janë shfrytëzuar informacione të privilegjuara për të vendosur baste fitimprurëse, duke e ditur shumë mirë se parashikimet do të materializoheshin. Pikërisht këtë ka bërë edhe operatori i teleprompterit të presidentit amerikan, në detyrë që nga presidenca e tij e parë, në 2016-ën.