Mijëra turistë kanë vizituar Las Palmas gjatë fundjavës së hallouinit, ose sic njihet në spanjë dita e shenjtëve, për të parë vullkanin Cumbre Vieja në shpërthim e sipër. Udhëtimet me anije dhe avionë kanë qenë tërësisht të rezervuara dhe rrugët janë mbyllur për mjetet private për të evituar bllokimet e trafikut. Hotelet, restorantet dhe agjencitë që ofrojnë makina me qera kanë qenë nën sulm nga njerëz që duan të shohin vullkanin dhe kjo sigurisht do ti japë një shtysë pozitive ekonomisë së ishullit. Shpërthimi nisi më 19 shtator dhe nuk tregon shenja se do të ndalet. Vullkani vazhdon të nxjerrë llavë dhe hi dhe është tani më shkatërrimtari në ishull prej më shumë se 500 vitesh ndërsa rrjedha e llavës ka mbuluar më shumë se 900 hektarë tokë. Disa tërmete me manjitudë 4 kanë bërë që instituti kombëtar gjeografik në spanjë të lëshojë një paralajmërim për një lëkundje toke më të fuqishme, prej 6 ballësh. Aktiviteti sizmik i shtuar vjen ndërsa krateri i vullkanit u shemb pjesërisht të dielën e kaluar. Aktiviteti në vullkanin në shpërthim është rritur që nga fundjava e shkuar me qindra dridhje toke të regjistruara që atëherë dhe me më shumë llavë që rrëshqet në faqet e malit drejt zonave që më herët nuk kanë qenë të prekura.