Ministri i Brendshëm i Kosovës, Xhelal Sveçla, ka reaguar ndaj deklaratave të ish-shefit të Inteligjencës serbe Aleksandar Vulin, duke i cilësuar një kërcënim real. Ndonëse i cilësoi si të tillë, ai theksoi se shteti i Kosovës nuk zmbrapsen përballë këtyre kërcënimeve, duke shtuar se strukturat shtetërore janë të gatshme të përballen me cilindo skenar. Njëkohësisht, ai bëri thirrje që ndërkombëtarët të ndërhyjnë, duke nënvizuar se përpjekjet e Rusisë dhe Serbisë për destabilizimin e rajonit duhet të kenë vëmendjen e plotë të faktorëve relevantë, teksa rikujtoi se Aleksandar Vulin është i shpallur non granta në SHBA, pikërisht për shkak të lidhjeve të ngushta politike e institucionale me Rusinë, përfshirë struktura të inteligjencës. Ky qëndrim vjen pas deklaratave të, Aleksandar Vulin, ish-shef i inteligjencës serbe, i cili në një emision deklaroi se Serbia duhet të veprojnë në Kosovë njësoj siç Izraeli dhe Mossadi në Iran. Po ashtu, ai nuk fshehu krimet e kryera nga Serbia kundër shqiptarëve, madje deklaroi se kjo është një punë që serbët dinë ta bëjnë mirë.