Presidenti i Serbisë, Aleksandar Vuçiç, ka deklaruar të dielën se është gjetur një lëndë plasëse me fuqi të madhe shkatërruese gjatë një hetimi rreth kërcënimeve ndaj infrastrukturës së gazit në afërsi të kufirit me Hungarinë. Vuçiq theksoi se e ka njoftuar për këtë çështje kryeministrin hungarez, Viktor Orban, përmes një bisede telefonike. Megjithatë, pretendimet e Vuçiç janë vënë në dyshim nga opozita në të dyja vendet. Për këtë rast, ka reaguar kryeministri hungarez Viktor Orban, I cili ka akuzuar Ukrainën si të përfshirë në planifikimin e një akti sabotimi pasi Serbia raportoi se kishte gjetur eksplozivë në një tubacion gazi që përdoret për të transportuar gazin natyror rus në të dy vendet. Tubacioni transporton gazin natyror rus nga Turqia nëpërmjet Bullgarisë, Serbisë dhe Hungarisë.