Presidenti i Serbisë, Aleksandar Vuçiç, tha të shtunën se pret zgjatjen e marrëveshjes për furnizimin me gaz nga Rusia, e cila skadon pas disa ditësh. Pas një bisede me presidentin rus Vladimir Putin, Vuçiç tha se është i bindur se aneksi i marrëveshjes do të zgjatet dhe se Serbia do të vazhdojë të përfitojë nga një çmim i ulët i gazit. Sipas tij, Serbia paguan rreth 318 euro për një mijë metra kub, ndërsa çmimi në treg është rreth 868 euro. Në bisedën me Putinin, Vuçiç tha se diskutoi edhe për Industrinë e Naftës së Serbisë, NIS, e cila është nën sanksione amerikane për shkak të pronësisë ruse. Negociatat mes kompanisë hungareze MOL dhe Gazprom Neft për shitjen e NIS-it janë në fazën përfundimtare. Vuçiç deklaroi gjithashtu se e ka informuar Putinin se të dielën do të japë dorëheqje nga posti i presidentit të Serbisë.