Presidenti Aleksandër Vuçic ka reaguar për herë të pare pas takimit me Vjosa Osmanin, duke thënë se nuk e dinte se cila është zgjidhja për shtensionimin e marrëdhënieve me Kosovën dhe se po pret të dëgjojë propozimet e zyrtarëve perëndimorë që vijnë në Beograd. “Vetëm nga e hëna, kur të dëgjoj Lajçakun dhe Escobarin, atëherë do t’i thërras serbët nga Kosova për t’u konsultuar. Nuk e di se çfarë ka menduar dikush si rrugëdalje”, tha Vuçic në një intervistë. Presidenti Vuçic ka thënë po ashtu se përplasjen në veri e ka shkaktuar Policia e Kosovës dhe jo forcat e KFOR-it, siç është menduar fillimisht. Vuçiq ka thënë se mendonte se forcat e KFOR-it po provokonin protestuesit. “Kam menduar që NAT0-ja po provokontr serbët, por jo, po e bente Policia e Kosovës”, pretendoi ai. Vuçiq po ashtu tha se nuk e di nëse serbët duhet të marrin pjesë në zgjedhjet në veri të Kosovës. “Më duhet të flas me ta këto ditë dhe të shoh se çfarë do të fitojë populli ynë, e jo vetëm çka do të lëshojë pe. Ne jemi gjithmonë të gatshëm dhe duam paqe dhe ulje të tensioneve”, tha Vuçiq, duke shtuar se nuk është optimist.