Retorika nacionaliste e presidentit serb Aleksandër Vuçiç vijon të mbizotërojë në fjalimet e tij, ndërsa dhe njëherë ka drejtuar gishtin drejt Shqipërisë, Kosovës dhe Koracisë, duke I akuzuar e kanë bërë pakt kundër Serbisë. Duke përkujtuar sulmet e NATO-s në vitin 1999 në Beograd, Vuçiç tha se ende nuk ka marrë një përgjigje për këtë pakt të cilin e quajti dashakeq ndaj vendit të tij. “Për muaj të tërë i kam pyetur kudo, ‘pse formuat një aleancë ushtarake’? Nuk ka përgjigje për këtë pyetje. Ata thonë ‘nuk është kundër jush’. Unë nuk ju pyeta këtë, po ju pyes pse e formuat atë aleancë dhe e di që nuk e formuat vetë, e di edhe kush ju tha ta formonit. Po ju pyes pse e formuat, nuk kam marrë kurrë përgjigje dhe nuk do të marr kurrë”, tha ai. Ai ngriti pretendimin se aleanca u formua në mënyrë që në rast të një konflikti midis Evropës dhe Federatës Ruse, ata të mund të kontrollonin Serbinë dhe të kryenin sulme nga drejtime të ndryshme. “Ne e kuptuam atë mesazh, zhvilluam doktrinën e ushtrisë sonë. Shteti serb i sotëm ka si përgjegjësi ashtu edhe seriozitet. Ne nuk do të sulmojmë askënd, as kroatët dhe as shqiptarët, por do ta mbrojmë vendin tonë dhe do të kemi forcë të mjaftueshme për të mbrojtur dhe mbrojtur popullin tonë”, tha ai ndërsa theksoi se Serbia nuk do të heq dorë kurrë nga Kosova. Vuçiç tha para të pranishmëve se I ishte premtuar, sipas tij, Çmimi Nobel për paqen nëse do të njihte pavarësinë e Kosovës. “Të huajt ma kanë thënë këtë mijëra herë, ‘do ta fitosh Çmimin Nobel, thjesht njihe Kosovën si vend të pavarur. Shiko nga e ardhmja, mos shiko prapa, mos shiko nga e kaluara”, u shpreh ai.