Pas mbledhjes së jashtëzakonshme të Këshillit për Siguri Kombëtare në Serbi, më 4 janar 2026, presidenti serb Alleksandar Vuçiç ka pretenduar se Forca e Sigurisë së Kosovës, po armatoset në kundërshtim me të drejtën ndërkombëtare dhe se aleanca Kroaci-Shqipëri-Kosovë cenon drejtpërdrejt interesat dhe sigurinë e Serbisë. Këto deklarata, vetëm sa e kanë pasuruar atë që njohësit e sigurisë e shohin si propagandë serbe. Gurakuç Kuçi, nga instituti Octopus thotë se e gjithë kjo është pjesë e një strategjie psiko-propagandistike të presidentit serb. Kuçi: Vuçiçi është prej atyre që bashkë me propagandën serbe nuk lë çdo lloj “Aleksandër Vuçiqi është prej atyre njerëzve që bashkë me propagandën serbe nuk lë çdo lloj mjeti që s'ta përdor kundrejt Kosovës. Ai e di mjaft mirë që Kosova është në forcimin e ushtrisë së saj në kuadër të NATO-s dhe vetë ka pasur deklarata nga NATO-ja dhe SHBA-ja që armatosja e Kosovës është ka bëhet konform rregullave dhe deri në 2028-ën që është edhe e planifikuar transformimi në ushtri operacionale. Por megjithatë ata e përdorin këtë çështje duke u përfshirë edhe elementet e tjera që po ndodhin kohëve të fundit si një lloj strategjie, si një lloj operacioni psiko-strategjik që e bën Vuçiçi”