Beogradi dhe Aleksandër Vuçiç vijon të luajë me dy porta, kur vjen puna tek Rusia dhe perëndimi. Teksa zyrtarisht kërkon anëtarësimin në Bashkimin Evropian, nga ana tjetër ruan marrëdhënie të ngushta me Moskën e njëherësh refuzon t’u bashkohet sanksioneve kundër Rusisë për shkak të agresionit të saj në Ukrainë. Pas vendimit të Shteteve të Bashkuara të Amerikës për të vendosur sanksione ndaj industrisë së naftës së Serbisë, e cila shumicën e aksioneve I ka ruse, Presidenti serb Aleksandër Vuçiç, në një intervistë për Radio Televizionin Serb është shprehur, se vendi I tij do të bëjë gjithçka që qëndrimet ndaj Rusisë të vijojnë siç janë. Duke nënkuptuar se pavarësisht gjithçkaje, Serbia nuk do të vendosë sankione ndaj Rusisë dhe se të dy vendet të vijojnë të mbeten aleatë. Vucic tha se vendi i tij do te vijoje bisedimet sic ka bere gjithnje me Perendimin dhe Shtetet e Bashkuara te Amerikes, por nga ana tjetër do të ketë dialog edhe me Rusinë ndaj të cilës nuk do të vere sanksione. Ai shtoi se Sanksionet nga Shtetet e Bashkuara dhe Britania e Madhe ndaj industries së Naftës Ruse pritet që të hyjnë në fuqi në date 1 janar ndërsa tha se për momentin nuk do të komentojë më tepër. Përballë deklaratave të presidentit serb, Aleksandër Vuçiç, ende nuk ka asnjë deklaratë publike nga Departamenti Amerikan I Shtetit dhe Departamenti i Thesarit.