Presidenti i Serbisë, Aleksandar Vuçiç pretendon se ka informacione lidhur me vendimin që Gjykata Speciale pritet të marrë për ish-presidentin e Kosovës dhe ish-udhëheqësin e Ushtrisë Çlirimtare të Kosovës, Hashim Thaçi. Vuçiç deklaron se sipas informacioneve që ka marrë vendimi ndaj Thaçit do të jetë “kryesisht lirues”. Gjykata Speciale pritet të shpallë vendimin në rastin ndaj Thaçit dhe tre ish-krerëve të tjerë të UÇK-së, Kadri Veselit, Jakup Krasniqit dhe Rexhep Selimit në datën 16 shtator. Ata akuzohen për krime lufte dhe krime kundër njerëzimit. “Do ta dënojnë aq sa t’i mbulohet koha e kaluar në paraburgim, ndërsa për pjesën tjetër do të shpallet i pafajshëm”, deklaroin Vuçiç të premten. Ai ka pretenduar se vendimi do të shërbejë për të krijuar narrativën se serbët janë “fajtorët e vetëm” për krimet e luftës në ish-Jugosllavi. Megjithatë, analistët deklarojnë se kjo deklaratë e Vuçiç është në vazhdën e retorikës së tij për të shmangur problemet reale të Serbisë dhe të narrativës së një komploti ndërkombëtar ndaj serbëve, para se këta të fundit të shkojnë në zgjedhje.