Presidenti serb, Aleksandër Vuçiç tha se pas dorëheqjes së kryeministrit do të nisë menjëherë konsultimet me partitë plitike për të formuar një qeveri brenda 30 ditëve ose për të shpallur zgjedhjet e parakohshme, "Jam i hapur për të dyja opsionet. Mund të kemi zgjedhje pas 75 ditësh, muaji prill është më i mundshmi. Nuk do të ketë qeveri të përkohshme", tha ai, transmeton Radio Evropa e Lirë ndërsa shtoi se detyra kryesore e autoriteteve tani është ruajtja e stabilitetit. “Si president i shtetit, unë duhet të propozoj mandatarin për të cilin bindem se ka shumicën në Kuvend. Do t'i filloj konsultimet. Në mendje kam pasur tre ose katër emra, por nuk jam i sigurt që nuk do të shkojmë në zgjedhje. Vetëm pas 10 ditësh, kur t’ju them nëse do të shkojmë në zgjedhje, apo do të zgjedhim Qeverinë e re, do të mund të flas për mandatarin për kryeministër.”, pohoi Vuçiç I cili të hënën njoftoi largimin e 50% të kabinetit qeveritar pas protestave të studentëve që kanë përfshirë vendin.