Presidenti i Serbisë, Aleksandar Vuçiç, ka deklaruar se protestat e fundit kundër qeverisë së tij kanë përkrahje të jashtme nga shërbimet sekrete rajonale dhe disa organizata ndërkombëtare. Ai fajësoi drejtpërdrejtë USAID-in dhe National Endoëment for Democracy (NED). Në një intervistë për DRM Neës, Vuçiç argumentoi se protestat nuk janë thjesht pakënaqësi e qytetarëve. Sipas tij ato kanë synim për të destabilizuar vendin. Ndërsa deklaroi se aktorë nga vende të rajonit, duke përfshirë Kroacinë, Kosovën e Shqipërinë, si dhe media të kontrolluara nga këto shërbime sekrete, sipas tij, kanë luajtur rol të drejtpërdrejtë në nxitjen e trazirave. “Sigurisht që kishte shumë njerëz që dolën në rrugë dhe ata u mbështetën shumë nga vendet rajonale, shërbimet sekrete rajonale, çka nuk është ndonjë sekret i madh. Po ashtu kishte shumë organizata dhe institucione nga jashtë që i mbështesnin ato,” tha Vuçiç, duke shtuar se ai nuk e mohon ekzistencën e problemeve të brendshme në vend. Vuçiç tha se çdo pakënaqësi është shfrytëzuar nga aktorë të jashtëm për të nxitur protesta të mëdha dhe për të krijuar destabilitet. Deklaratat e presidentit serb shkuan edhe më tej, madje aq sa ai tha se USAID dhe NED kanë ofruar trajnime dhe mbështetje për eksponetë që kanë protestuar me qëllim që të përdornin veprime kundër qeverisë serbe. Por Vuçiç mohoi që të ishte arrestuar ndokush për këtë çështje apo të ishte vendosur nën hetim me argumentin se një gjë e tillë do të tregonte dobësi, dhe jo forcë.