Një efektiv i policisë së Korçës ka mbetur i vdekur dhe një tjetër është plagosur rëndë pas përplasjes me armë zjarri gjatë një operacioni të ndërmarrë në zonat malore të qarkut kundër kultivimit të hashashit. Ngjarja e rëndë ka ndodhur në zonën e Lozhanit, në fshatin Mesmal. Viktima është efektivi i Shqiponjave, Enea Mekolli ndërsa i plagosur ka mbetur kolegu i tij, Edison Adri. Autori i ngjarjes dyshohet se është shtetasit Violand Baçellari, 43-vjeç, një person me precedentë penalë në fushën e narkotikëve dhe i dënuar në vitin 2017 me 10 burgim për prodhim dhe shitje narkotikësh. Gjatë aksionit ka pasur shkëmbim zjarri ndërmjet personit nën kërkim dhe policisë. Përplasja me armë ka ndodhur në banesën ku strehohej baçellari, një stan bagëtish. Dyshohet se ai ka hapur zjarr menjëherë pasi ka dëgjuar thirrjet e efektivëve për t’u dorëzuar.