Një kapiten i marinës ruse, që dyshohet se qëndron pas një sulmi vdekjeprurës me raketa në Ukrainë, është vrarë. Stanislav Rzhitsky, 42 vjec, besohet se është ndjekur nga një person i cili e ka qëlluar më pas për vdekje ndërsa ai po bënte vrapin e mëngjesit në qytetin rus të Krasnodarit. Rzhitsky komandoi një nëndetëse që lëshoi raketa mbi qytetin ukrainas Vinnytsia një vit më parë, duke vrarë 27 persona. Mes viktimave të bombardimit ishte edhe një katër vjecare, Liza Dmitrieva. Ajo ishte në karrocë, me të ëmën, Irinën, kur u goditën. Vogëlushja vdiq në vend ndërsa e ëma u plagos rëndë. Hetuesit rusë besojnë se trajektorja që Rzhitski ndiqte cdo mëngjes ishte studiuar nga autori i vrasjes ndërkohë që ngjarja mund të jetë e lidhur me përvjetorin e parë të masakrës me raketat Kalibër në Vinitsia.