Një ish-marins amerikan është vrarë duke luftuar përkrah forcave ukrainase në luftën me Rusinë, thanë të afërmit e tij për mediat amerikane. Është vdekja e parë e njohur deri tani e një shtetasi amerikan që luftonte në Ukrainë. Rebecca Cabrera i tha CNN se djali i saj, Ëilly Joseph Cancel, 22 vjeç, u vra ndërsa punonte për një kompani kontraktuese ushtarake që e dërgoi atë në Ukrainë. Cabrera tha se djali i saj po punonte si oficer burgu në Tenesi dhe ishte regjistruar për të punuar me kompaninë private kontraktore ushtarake pak para se të fillonin luftimet në Ukrainë në fund të shkurtit. Ajo i tha rrjetit CNN se ai pranoi të shkonte në Ukrainë. “Ai donte të shkonte sepse besonte në atë për të cilën po luftonte Ukraina dhe donte të ishte pjesë e saj për ta mbajtur të keqen e luftës atje, në mënyrë që të mos vinte këtu, dhe që ndoshta ushtarët tanë amerikanë të mos duhej të përfshiheshin në të”, tha ajo. Cabrera tha se trupi i djalit të saj nuk është gjetur ende. "Nuk e kanë gjetur trupin e tij," tha ajo.