Një vrasje ka tronditur Paskuqanin, paraditen e kësaj të hëne, rreth orës 11:25. 27- vjeçari Ardian Baloshi është qëlluar me armë zjarri në rrugën ‘Dërvish Luzha’, pas një konfliti të dyshuar të nisur në kalçeto. Ndërsa dyshohet se gjatë konfliktit ka mbetur I plagosur rëndë edhe një tjetër person, rast të cilin Policia e mohon. Viktima Ardian Baloshi, është dërguar me një makinë të rastit në spitalin e Traumës, ku edhe ka ndërruar jetë. Policia dhe Forcat RENEA janë vënë në ndjekje të autorit të dyshuar të vrasjes, 39-vjeçarit, Sadik Llanaj, duke ngritur pika kontrolli në akset kryesore rrugore. Për kapjen e tij, janë angazhuar forca të shtuara policore në terren. Drejtori i Policisë së Tiranës Oliger Torba, ka deklaruar nga vendngjarja se krimi ka ndodhur në rrugë, për motive te dobëta.