Një 20-vjeçar shqiptar ka mbetur i vrarë pas disa të shtënave me armë zjarri në Helsingborg të Suedisë. Ngjarja e rëndë ndodhi pak para mesnatës, ndërsa zona u rrethua menjëherë nga forcat e policisë. Sipas mediave suedeze, efektivët kryen kontrolle dhe hetime gjatë gjithë natës, por deri më tani është arrestuar 1 person, roli i të cilit në atentat nuk është ende i qartë. Nga të shtënat mbeti e plagosur edhe një vajzë rreth 25 vjeç, e cila shoqëronte viktimën. Ajo ndodhet nën kujdesin e mjekëve, ndërsa gjendja e saj nuk bëhet e ditur. Dyshohet se 20-vjeçari ishte i përfshirë në rrjete të trafikimit të drogës, teksa raportohet se ishfe nga Fieri, por jetonte prej vitesh në Suedi me familjen. Sipas mediave vendase, viktima ishte emër i njohur për policinë dhe kishte qenë në paraburgim vjeshtën e kaluar, nën dyshimin për rrëmbim, nga ku u lirua në nëntor.