Tre ushtarë izraelitë janë vrarë dhe disa të tjerë janë plagosur nga një person i armatosur pranë kufirit me Egjiptin, teksa lajmin e ka dhënë Ministria e Mbrojtjes në Izrael. Dy ushtarë, njëri prej të cilëve femrë, u gjetën të vdekur në një post ushtarak pasi nuk iu përgjigjën thirrjeve të komandës në radio, mëngjesin e të shtunës Një ushtar i tretë izraelit dhe sulmuesi i supozuar - i identifikuar si një polic egjiptian - u vranë më vonë gjatë një operacioni kërkimi. Ngjarja ndodhi vetëm disa orë pasi një operacion kontrabande droge ishte penguar në kufi. Një zëdhënës i ushtrisë izraelite, kolonel Richard Hecht, tha se droga me vlerë 1.6 milion sikla (400,000 dollarë) ishte konfiskuar pasi dikush përdori një shkallë për të kaluar gardhin. Ai tha se vrasja e tre ushtarëve besohet të lidhet pikërisht me prishjen e operacionit të kontrabandistëve, për të kaluar me sukses ngarkesën me drogë. Ushtria izraelite dhe policia egjiptiane vepruan së bashkua për të hetuar ngjarjen, teksa më vonë konfirmuan se personi që vrau ushtarët dhe u vra edhe vetë më vonë, ishte një anëtar i forcave të sigurisë të Egjiptit.