Një avion ushtarak rus është përplasur mbi një zonë të banuar në siberinë e jugut – thanë autoritetet lokale. Avioni luftarak Sukhou Su-30, u përplas mbi një ndërtesë dy katëshe në qytetin e Irkutskut – shkroi në telegram guvernatori rajonal Igor Kobzev. Guvernatori tha se ai ndodhej në vendin e ngjarjes dhe konfirmoi se të dy pilotët ishin vrarë por asnjë nga banorët nuk ishte lënduar. Sipas ministrisë ruse të emergjencave avioni ishte në një fluturim testues kur u rrëzua. Pamjet e shpërndara në mediat sociale tregonin ato që dukeshin si disa ndërtesa të përfshira nga flakët. Ky është incidenti i dytë i këtij lloji në gjashtë ditë. Të hënën e kaluar, një Sukhoi Su34 i ushtrisë ruse u përplas mbi një bllok apartamentesh në qytetin jugor të Yeyskut, afër Ukrainës, duke i marrë jetën të paktën 15 personave atje.