Vladimir Putin shënoi Krishtlindjet Ortodokse me një shërbesë mesnate në Moskë, i shoqëruar nga gjeneralët e inteligjencës ushtarake të GRU-së. Gjatë këtij eventi, Putin u tha trupave të tij se po vrasin në Ukrainë me urdhër të Zotit. “Sot, në Krishtlindjet Ortodokse, ne festojmë festën e mrekullueshme dhe të ndritshme të Lindjes së Krishtit. Dhe ne shpesh e quajmë Zotin Shpëtimtar, sepse Ai erdhi në Tokë për të shpëtuar të gjithë njerëzit. Dhe ushtarët e Rusisë, gjithmonë me urdhër të Zotit, përmbushin pikërisht këtë mision të rëndësishëm; mbrojtjen e Atdheut, shpëtimin e Atdheut dhe popullit”, tha putin. Mesha e Krishtlindjes u zhvillua në një kishë në territorin e Qendrës për Qëllime Speciale Senezh - një vend operacionesh speciale i lidhur me GRU-në. Presidenti rus u duk sikur u dha bekimin e tij operativëve të GRU-së, ndërsa shërbimet evropiane të sigurisë paralajmërojnë se Rusia po përshkallëzon aktivitetin e fshehtë në të gjithë kontinentin. Shefat e Shërbimit të inteligjencës ushtarake ruse, ishin gjithashtu të pranishëm. E ndërkohë që rusia shënonte krishtlindjen ortodokse, sulmet mbi ukrainë vazhduan. Në shënjestër ishte rajoni i Dnipros ku shtatë persona, përfshirë dy vajza të moshës 8 dhe 16 vjec, u plagosën në sulme. Në anën tjetër, ukraina shënjestroi një uzinë nafte në rajonin kufitar të Belgorodit, ku disa depozita morën flakë dhe shuarja e zjarrit kërkoi orë të tëra.