Dy viktima dhe një person i plagosur. Ky është bilanci i ngjarjes tragjike në një provincë të Zvicrës, ku një italian për shkak të xhelozisë ndaj gruas së tij, plagosi me thikë këtë të fundit dhe vrau të dashurin e saj, e më pas veten. Ngjarja ndodhi në vendin e quajtur Stabio, vetëm 7 kilometra larg kufirit italian, në një zonë të pyllëzuar. Lajmi u bë me dije nga mediat zvicerane dhe ato italiane, ndërsa theksohet se shkak i ngjarjes së rëndë ishte një grua shqiptare me origjinë nga Kosova. Kjo e fundit, ishte divorcuar nga bashkëshorti i saj në muajin maj të këtij viti dhe prej disa muajsh shoqërohej me një tjetër djalë. Mirëpo, edhe pse të divorcuar, shtetasi italian nuk e ka lënë të qetë ish bashkëshorten e tij dhe thuajse gjithmonë e ka përndjekur atë. Sipas mediave të huaja, 52 vjecari i ka bërë pritë të dashurit të ish bashkëshortes së tij, dhe më pas e ka plagosur këtë të fundit, duke e lënë të vdekur në vend. Kanë qenë dëshmitarët okularë ata të cilët raportuan fillimisht ngjarjen për policinë zvicerane. Sipas tyre, ata panë një grua me një këmishë të bardhë të larë në gjak, e cila ishte shtrirë në tokë duke kërkuar ndihmë. Pamjet: AFP