Detaje të reja janë zbardhur nga ngjarja tronditëse që ka ndodhur një ditë më parë në Greqis, ku një 18-vjeçar vrau nënën e tij duke e mbytur me një peshqir. Sipas mediave greke, krimi ka ndodhur në banesën familjare, ndërsa gruaja po qëndronte e ulur në divan duke parë televizor. I riu, i cili ndodhej pranë saj, u ngrit për pak dhe shkoi në tualet, prej nga mori një peshqir. Kur u kthye, ia vendosi në qafë nënës së tij, duke e mbytur për pak sekonda. 18-vjeçari, që jetonte me të atin pas divorcit të prindërve, dyshohet se kishte konflikte të vazhdueshme me nënën, pasi, sipas tij nuk i miratonte disa nga sjelljet dhe vendimet e saj. Pas kryerjes së krimit, i riu ka vepruar me qetësi të ftohtë, ai ka marrë telefonin dhe ka njoftuar policinë, duke u shprehur; “Ejani të më arrestoni, e vrava nënën time.”