Një nënë e akuzuar për vrasjen e tre vajzave të saj doli në një gjykatë në zelandën e re. Lauren Anne Dickason akuzohet se ka vrarë binjaket dy vjecare dhe motrën e tyre gjashtë vjecare, menjëherë pasi familja mbërriti në zelandën e re nga afrika e jugut. Ajo doli para një gjykate mëngjesin e të shtunës në qytetin port të Zelandës së re, Timaru dhe një gjykatës rekomandoi një spital për vlerësimin e shëndetit mendor të saj. Dickason, 40, akuzohet për vrasjen e vajzave, trupat e të cilave u gjetën të enjten në një pronë ku familja qëndronte. “Policia do të donte të siguronte komunitetin se ky ishte një incident i izoluar tragjik dhe se nuk është në kërkim të asnjë personi tjetër të dyshuar”, thanë autoritetet e rendit në një deklaratë. Dickason do të dalë sërish para gjykatës më 5 tetor. Familja u vendos në Timaru, një qytet me 29 mijë banorë në ishullin jugor të zelandës së re. ajo kishte dalë nga izolimi i detyrueshëm dy javë më parë. mediat në zelandën e re kanë raportuar se Dickason dhe bashkëshorti i saj, ishin mjekë.