Klementin Ismailaj, i cili vrau babanë në gusht të 2024, është arrestuar sot nga policia në Sarandë. Gjykata e Sarandës e ka dënuar 43-vjeçarin me 3 vite e 4 muaj burg, për veprën penale “vrasje e kryer në gjendje të tronditjes së fortë psikike”. Ngjarja e rëndë ndodhi më 10 gusht të 2024. Babai i tij, 69-vjeçari Hysen Ismalaj ka varë bashkëshorten, Shano Ismailaj. Pasi i vrau nënën, ai më pas kërcënoi dhe qëlloi edhe Klementin Ismailajn. Në dëshminë e dy viteve më parë, 43-vjeçari ka deklaruar mes të tjerash: “Nëna ishte shtrirë në dysheme. Babai mbante në dorë një gotë qelqi të tejdukshme, unë i fola, duke i thënë “se çfarë kishte bërë” dhe ai m’u përgjigj: “Se çfarë desha e bëra, tani e keni radhën ju” dhe menjëherë pas këtyre fjalëve, më ka goditur me gotën që mbante në dorë në pjesën e fytyrës dhe hundës. Në këtë moment, duke mos parë dhe fëmijët aty, jam trembur se dhe fëmijëve mund t’u kishte ndodhur e njëjta gjë. Shumë i tronditur nga ajo se çfarë pashë, e kam qëlluar me grushte dhe shkelma babain”.