Babë e bir kanë qëlluar njëri-tjetrin me thika e për pasojë të dy kanë mbetur të vdekur. Ngjarja e rëndë ka ndodhur në veri të Mitrovicës, mëngjesin e të premtes Mediat e Kosovës shkruajnë se avokati Milan Bigoviç u konfliktua me një prej djemve të tij e për pasojë ky i fundit e qëlloi me thikë duke e lënë të plagosur rëndë. Mes tyre ndërhyri djali tjetër, binjak me atë që qëlloi të atin. Ai mori një thikë dhe vrau të vëllanë. Më pas dërgoi të atin në spital, por Bigoviç ndërroi jetë si pasojë e plagëve të marra. Tashmë i mbijetuari është në polici dhe po merret në pyetje në lidhje me rastin. Zëdhënësi i policisë për rajonin e veriut, Branisllav Radoviq, ka konfirmuar lajmin. “Zyrtarisht nuk kam marr akoma ndonjë raport. Ajo që di deri më tani, bëhet fjalë për dhunë në familje ku ka edhe të vrarë,”- ka thënë shkurt Radoviq.